Auftritte im Markus Wasmeier Freilichtmuseum
Bilder zum Vergrößern anklicken
Im Wasmeier seim Freilichtmuseum am Schliersee (Brunnbichl 5, Schliersee/Neuhaus) kennts uns jedes Jahr vateilt üba de Museumssaison imma wieda a moi segn und a im Advent. Dazua kimmt im Somma no des alljährliche Kasperltheater-Festival, des mia organisiern und koordiniern.
_______________________________________________
Unsane Auftritt während da Museumssaison 2026
Des Museum is oiwei vom Beginn da Osterferien bis Anfang November auf. A des Jahr san ma wieda in unregelmäßigm Abstand im Museum und gebm an jedm Auftrittstag zwoa Vorstellungen mit unterschiedliche Stückl. De erste is um 13.00 Uhr und de zwoate um 14.30 Uhr.
Unsane Kindastückl dauern ungefähr a halbe Stund und eignen si fia Kinda ab 3 bis 4 Jahr. Fia unta Dreijährige san s meistns zu komplex und dauern z lang. Kleanane Gschwistakinda derfan in da Familie trotzdem natürli a mitkemma. Kinda unta 4 Jahr solltn aba ganz generell eahnane Eltern oda andane Erwachsne dabei hobm.
Eintritt Kasperltheata (zzgl. zum
Museumseintritt): 3,00 Euro pro Person (Kinda ab 3 Jahr, Erwachsene) – werd
vor da Vorstellung beim Zugang zum Kasperltheata kassiert –
koa Kartnzahlung möglich, nur Barzahlung
Sonntag, 5. April / Montag, 6. April, Ostern
jeweils 13.00 Uhr: Kasperl und des Drachaoa (NEU)
Da schenkt da Osterhas da Großmuatta a wunderscheens, groß Oa. Doch des Oa is ois andane ois wia a Ostaoa. Da draus ergibt si a ziemlichs Durchananda.
jeweils 14.30 Uhr: Kasperl und de drei Wünsch
Da macht da Sepperl an ganz an blädn Fehla und wünscht si des Foische ... Hoffentlich kann eahm da Kasperl da helfa.
Freitag, 1. Mai, Maibaumfest
13:00 Uhr: Kasperl und Sepperl auf Schatzsuche
Da woilln da Kasperl und da Sepperl in ana Vollmondnacht an Schatz findn, was si ois gar net so einfach rausstellt ...
14:30 Uhr: Kasperl und de Bratwürscht
Da kemma Großmuatta de Bratwürscht abhandn. Was is da passiert? Hat des Krokodui was damit z toa, des aus m Tierpark ausbrocha is?
Sonntag, 10. Mai, Muttertag
13:00 Uhr: Kasperl und da Hexentrank
Da huift de Hex beim König in da Küch aus und auf oimal macht der König nur no, was de Hex wui. Kenna da Kasperl und da Sepperl da helfa?
14:30 Uhr: Kasperl und da bäse Deife
Da legt sich de Großmuatta mit m Deife o. Des hat fatale Folgn. Guat, dass den Kasperl gibt!
Sonntag, 24. Mai / Montag, 25. Mai, Pfingsten
jeweils 13:00 Uhr: Kasperl und des Mauableamal
De bäse Hex mecht den scheena Prinzn ganz für si alloa habn. Da is de Prinzessin im Weg. Deswegn verwandlt de Hexe de Prinzessin in a unscheinbars Bleamal und sorgt dafür, dass da Prinz sei Geliebte vergisst. Kennan a kloane Biena und da Kasperl de Prinzessin und den Prinzn rettn?
jeweils 14:30 Uhr: Kasperl und de Weißwürscht
Da kummt da König auf Bsuach zur Großmuatta. Und da Sepperl is dafür verantwortlich, dass de Weißwürscht beim Erwärma net aufplatzn. Ob des guatgäht?
Sonntag, 26. Juli, Kasperls Spuikastl beim 11. Kasperltheater-Festival
15.45 Uhr: Kasperl und des Kuchnmonsta
Da erschafft da Deife a Kuchnmonsta. Denn er mecht mit Huilfe vom Kuchamonsta endlich an da Großmuatta ihrn Guglhupf kemma. Aber des laaft net ganz so, ois wia er si das vorgstellt hat ...
Davor ab 11.00 Uhr 4 andana Vorstellunga vo 4 andere Kasperlbühnen − mehr dazua da
Samstag, 15. August, Mariä Himmelfahrt
13.00 Uhr / 14.30 Uhr
Sonntag, 6. September, Sommerferien
13.00 Uhr / 14.30 Uhr
Sonntag, 11. Oktober, Kindertag
13.00 Uhr / 14.30 Uhr
Sonntag, 8. November, Leonhardi
13.00 Uhr / 14.30 Uhr
_______________________________________________
Des Festival findt seit 2016 jeds Jahr im Juli im Museum statt. Der Termin des Jahr is
Sonntag, 26. Juli 2026
Kasperls Spuikastl is des Jahr a dabei und spuit um 15.45 Uhr.
11. Kasperltheater-Festival im Wasmeier Museum
Künstlerische Leitung: Kasperls Spuikastl
Schirmherr: Gerhard Polt
_______________________________________________
Wasmeiers Weihnachtsmarkt 2026
Im Advent findt im Markus Wasmeier Freilichtmuseum jeds Jahr a sehr stimmungsvolla Christkindlmarkt statt, 2026 an de zwoa Wochnendn 5./6. und 12./13. Dezemba. Am zwoatn Wochnend is a Kasperls Spuikastl mit dabei.
Eintritt Kasperltheata: 3,00 Euro pro Person (Kinda, Erwachsene - werd vor da Vorstellung beim Zugang zum Kasperltheata kassiert – koa Kartnzahlung möglich – Kinda unta 3 Jahr frei) zzgl. zum Weihnachtsmarkt-Eintritt (6,00 Euro – Kinda und Jugendliche bis 17 Jahr frei)
Samstag, 12. Dezember / Sonntag, 13. Dezember
jeweils 13:00 Uhr und 16:00 Uhr
(Programmänderungen vorbehaltn)