zu de Weihnachtsstückl für Kinda
Des san unserne Stückl fia Kinda ab 3 bis 4 Jahr. Kleanane derfa natürli a kemma, Kinda unta 4 Jahr solltn aba Mama, Papa, Oma, Opa oda andane Erwachsne dabei hobm. Und üba Grouße, de gern ins Kasperltheater genga, gfrein ma uns a. A jeds Stückl dauat so um de 30 Minutn.
Kasperl und da Sonntagsbratn / da Geburtstagskuacha / de Bratwürscht
Je nach Anlass kennan da Großmuatta a Bratn, a Kuacha oder Bratwürscht abhandn kemma. Was is da passiert? Hat des Krokodui was damit z toa, des aus m Tierpark ausbrocha is?
Kasperl und des Kuchnmonsta
Da erschafft da Deife a Kuchnmonsta, um an da
Großmuatta ihrn Guglhupf z kemma. Aber des laaft net ganz so, ois wia er si
das vorgstellt hat ...
Zum Video mit m
Liadl vom Kuchnmonsta
Kasperl und da bäse Deife
Da legt sich de Großmuatta mit m Deife o. Des hat fatale Folgn. Guat, dass den Kasperl gibt ...
Kasperl und da dumme Räuba
Da kapiert da Räuba net, was da Deife für a bäs Spui mit eahm treibt. Denn dem gehts wieda amoi bloß um da Großmuatta ihrn Guglhupf und er nutzt an Räuba sei Guatglaibigkeit aus, um den z kriegn.
Kasperl und da Rote Ritta
Da Rote Ritta ist bei seina Frau Elvira in Ungnade gfalln. Um ihra Gunst zruckzgwinna, valangt de a blaue Rosn als Geschenk vo eahm. Doch de Rosn wird am End vo da Welt vo am Dracha bewacht. Mit m Kasperl an seina Seitn macht si da Rote Ritta aufn Weg dahi.
Kasperl und da scheene Prinz
De Prinzessin hat si in an Prinzn verliebt, den de Hex in a Fliagn vawandlt hat. Doch de Prinzessin schafft s net, den Prinzn dauerhaft zruckzuvawandln. Da dafia braucht s d Huif vom Kasperl.
Kasperl und des Mauableamal
De bäse Hex mecht den scheena Prinzn ganz für si alloa habn. Da is de Prinzessin im Weg. Deswegn verwandlt de Hexe de Prinzessin in a unscheinbars Bleamal und sorgt dafür, dass da Prinz sei Geliebte vergisst. Kennan a kloane Biena und da Kasperl de Prinzessin und den Prinzn rettn?
Kasperl und da Hexntrank
Da huift de Hex beim König in da Küch aus und auf oimal macht der König nur no, was de Hex wui. Kenna da Kasperl und da Sepperl da helfa?
Kasperl und da Mäusezauba
De bäse Hex mecht an Kasperl und an Sepperl in Mäus vawandln, damit s as loshat. Doch da dabei geht was schiaf und de zwoa Freind ham a Problem, a wenns koane Mäus net wordn san.
Kasperl und da Mann im Mond
Da Mann im Mond kimmt mit seina Raketn z Bsuach auf d Erdn zu seim Freind, dem Zaubara. Doch de Hex hat de unbeaufsichtigte Raketn entdeckt und wia imma was Bäs im Sinn. Schafft s da Mann im Mond, wieda heil zruck auf den Mond zu kemma?
Kasperl und de Flaschnpost
Da hat de Hex de Prinzessin entführt und in an Turm gsperrt. Kasperl und Sepperl solln s mitm Wassermann zsamm befrein.
Kasperl und des Zauberbuach
Da helfa da Kasperl und da Sepperl am Zauberer, sei Zauberbuach wiedazfindn. Wo des woi hikemma is? Oder hats gar jemand klaut?
Kasperl und des Schlossgschpenst
Da konn da König auf oamal nimma schlaffa und woaß net warum. Dafür gibts auf oamal bei da Großmuatta jemand, der gar net guat auf den König und de Prinzessin z sprecha is. Ob des was mitanda z toa hat?
Kasperl und de drei Wünsch
Da macht da Sepperl an ganz an blädn Fehla und wünscht si des Foische ... Hoffentlich kann eahm da Kasperl da helfa.
Kasperl und Sepperl auf Schatzsuche
Da woilln da Kasperl und da Sepperl in ana Vollmondnacht an Schatz findn, was si ois gar net so einfach rausstellt ...
Kasperl und de Weißwürscht
Da kummt da König auf Bsuach zur Großmuatta. Und kurz bevor a okimmt, passiert am Sepperl was ganz Bläds.
Kasperl und des Schlangenoa
Dem Osterhasn werd a Korb mit Osteroa gklaut. Wer war des?
Hat vielleicht des riesige Schlangenoa was damit z toa, des de Hex erschaffa
hat? Da muas wieda amoi da Kasperl helfa ...
Zum Video vo dem Stückl
Kasperl und da Hexndampf
De bäse Hex hat was gega des Kasperltheata und macht den
Kasperl mit ihram Hexndampf krank, damit a nimma auftretn konn. Guat, dass da Kasperl
an Freind hat.
Er schickt, selba krank im Bett, den Sepperl um Huif los, um des Kasperltheata zum rettn.
(a Video, des währnd am Corona-Lockdown im
Frühjahr 2020 entstandn is)
De Stückl fia Kinda passn in d Advents- und Weihnachtszeit:
Kasperl und da Weihnachtswichtl
Da mecht a Wichtl am Christkindl beim Verteiln vo de Gschenke helfa. Doch de Hexe und da Teife wolln des unbedingt vahindan. Es muaß oiso wieda amoi da Kasperl helfa.
Kasperl und da Krampus
Da wird a Möglichkeit vorgstellt, wia da Nikolaus zu seim Begleita, am Krampus, kemma sei kannt.
Kasperl und da verhexte Wunschzettl
Da stehna ganz varuckte Sachan auf de Wunschzettl vom Kasperl und vom Sepperl. Wer steckt da dahinta und wia lasst si des wieda in Ordnung bringa?
Kasperl und da Stern vo Bethlehem
Da miaßn da Kasperl und da Sepperl de Weihnachtsgschicht rettn. Denn da Stern vo Bethlehem is vom Himme abagfalln und oana vo de Drei König hat si deswegn valaffa.
Kasperl und da Adventskranz
Da vaschwindt da Adventskranz, den de Großmuatta selba gmacht hat. Aber Advent ohne Adventskranz, des geht ja gar net! Also miaßn da Kasperl und sei Freind, da Sepperl, heifa!
Kasperl und des Krippenspui
Da hat des Krokodui a fast unlösbars Problem. Denn es wui unbedingt beim Krippenspui mitmacha. Ob des guatgeh ko?
Kasperl und de Weihnachtsplatzerl / de Weihnachtsgans
Da kimmt da Großmuatta des Weihnachtsgebäck oder de Weihnachtsgans abhandn.Was
is da passiert? Hat des Krokodui was damit z toa, des aus m Tierpark
ausbrocha is?
Da Brandna Kaspa und da Gartn vom Paradies
In dem Puppenspui frei nach da Erzählung vom Franz von Kobell überlist da Brandna Kaspa a als Handpuppn an Boandlkrama mit Kerschgeist und luchst eahm so a paar Jahr Lebm ab. Und doch glangt a am End ins Paradies, wo a glückle wieda auf sei Frau trifft.
Mehr zu dem Stückl und de
nächstn Aufführungstermine unta
Da Brandna Kaspa ois Puppenspui für
Erwachsne
Das Spiel vom Dr. Faust - oder: Das Böse sitzt auf einem Baum
Faust im Hier und Jetz, a Puppenspui frei nach oide
Puppenspui vor Goethe (Simrock, Ulmer Puppenspiel) und am Goethe seim Urfaust,
Aufführungsdauer 75 Minutn, geeignet ab 12 Jahr. Beim Bayerischen Amateurtheaterpreis
Larifari 2018/2019 ham ma mit dera Inszenierung in da Kategorie Firgurentheater
an 2. Preis gwunna!
Mehr zu dem Stückl und de
nächstn Aufführungstermine unta
Faust-Puppenspui für Erwachsne.