Wer meine Chefs san

Eigentlich bin ja i da Chef, da Kasperl. Aba de zwoa, de uns in da Hand habn und uns eanane Stimmen leihn, behauptn doch glatt, sie warn de Chefs! Dawei gibts uns scho ewig!

Sie sagn, dass sie de Idee ghabt ham und uns alle und des Spuikastl selba baut ham. Und de Stückln tatn s a alle selba schreibn. Und sogar de Web-Seitn habn s selba gmacht.

Sie habn mi zwar in da Hand, aba bei jedm Auftritt mach i doch, wos i will! Desweng is a fast koa Auftritt wia da ander!

Wenns mit meine Chefs in Kontakt tretn wollts, dann schaugts bittschön ins Impressum. Da steht de Adress.