Schriftzugfeld

Griaß eich, mitanand!

I bin da Kasperl und i hab mei eigns Spuikastl.
Des mecht i eich vorstelln und ois, was dazuaghört.

Für alle, die mei boarische Muattasprach net verstehna, gibts a a schriftdeitsche Fassung vo dera Seitn. Dafia hab i mi so richtig ogstrengt. Denn normalerweis red und schreib i so, ois wia mia da Schnabe gwachsn is.   » zur schriftdeutschen Fassung dieser Seite  deutsche Flagge

AKTUELLES

28. Juli: Kasperltheater-Festival im Wasmeier Museum

Kasperl im HeuJeds Jahr im Somma gibt's im Markus Wasmeier Freilichtmuseum am Schliersee a Kasperltheater-Festival. Initiiert hat des Kasperls Spuikastl und hat seit 2016 a imma de künstlerische Leitung. 

Wenn eich intressiert, was da so passiert und was da zum sehgn gibt und gebn hat, dann kennts da mehra erfahrn.

VIDEOS

Kasperls Spuikastl: die HexeWia im Frühjahr 2020 wochenlang gar koane Auftritt möglich warn, da hamma des neie Stückl "Kasperl und da Hexndampf", in dem de Hex an Kasperl krank macht, ois Video eigspuit.

Und a a paar andere Videos gibt's vo uns.

> zu unsane Videos

Preis gwunna

Faust und MephistoMit dem Stückl "Das Spiel vom Dr. Faust - oder: Das Böse sitzt auf einem Baum" ham ma uns sehr erfolgreich am Faust-Festival München 2018 beteiligt. Beim Bayerischn Amateurtheaterpreis Larifari 2018/2019 ham ma mit dera Inszenierung fia Erwachsne und Jugendliche in da Kategorie Figurntheata an 2. Preis gewunna! ...mehra dazua