Auftritte im Wirtshaus am Bavariapark

Des Wirtshaus am Bavariapark in München liegt obahalb da Theresienwiesn (Theresienhöhe 15) am Schneckenplatz gegnüba vom Verkehrszentrum vom Deutschen Museum. Da spuin ma a paar Moi im Jahr. Und wei des in am Wirtshaussaal is, gibts da a was zum Essn und zum Trinka.

Unsane Kindastückl dauern ungefähr a halbe Stund und eignen si fia Kinda ab 3 bis 4 Jahr. Fia unta Dreijährige san s meistns zu komplex und dauern z lang. Kleanane Gschwistakinda derfan in da Familie trotzdem a mitkemma. Kinda unta 4 Jahr solltn aba ganz generell eahnane Eltern oda andane Erwachsne dabei hobm. 

Eintritt zum Kasperltheater jeweils 5,00 Euro pro Person (Kinda und Erwachsene - koa Kartnvorverkauf, Eintritt werd vor da Vorstellung kassiert - koa Kartnzahlung möglich - Kinda unta 3 Jahr frei)

Bitte rechtzeitig da sei, am bestn 20-30 Minutn vor Vorstellungsbeginn.

Sonntag, 14. Januar 2024

14.30 Uhr: Kasperl und da Rote Ritta

Da is da Rote Ritta bei seina Frau Elvira in Ungnade gfoilln. De valangt a blaue Rosn als Geschenk von eahm, wenn a ihra Gunst zruckgwinna wui. Doch de Rosn wird am End vo da Weit vo am Dracha bewacht. Mit m Kasperl an seina Seitn macht si da Rote Ritta auf n Weg dahi.

16.30 Uhr: Kasperl und des Kuchnmonsta

Da erschafft da Teife a Kuchnmonsta, um an an Guglhupf vo da Großmuatta zu glanga. Aba es lafft net ganz a so, wia er si des vorgsteillt hat.

Sonntag, 3. März 2024

14.30 Uhr: Kasperl und de Flaschnpost

Da hat de Hex de Prinzessin entführt und in an Turm gsperrt. Kenna da Kasperl und da Sepperl sie mitm Wassermann zsamm befrein?

16:30 Uhr: Kasperl und da Mäusezauba

Da mecht de bäse Hex an Kasperl und an Sepperl in Mäus vawandln, damit s as loshat. Doch da dabei geht was schiaf und de zwoa Freind ham a Problem, a wenns koane Mäus net wordn san.

Sonntag, 25. August 2024, Sommaferien

14.30 Uhr / 16.30 Uhr

Sonntag, 20. Oktober 2024, Kirchweih

14.30 Uhr / 16.30 Uhr

 

 

(Programmänderungen vorbehaltn)