Wia mei Spuikastl ausschaugt

Des Spuikastl habn meine Chefs selba baut. Es ist 1 Meta 35 broat, 1 Meta 10 tief und 2 Meta 75 hoch. Es gibt aba a no a niedrigare Variante mit 2 Meta 60. Da is der Giebe mitm Schriftzug niedriga.

Kasperls Spuikastl

Des Spuikastl is komplett zalegbar, weil meine Chefs des in am Radlanhänga, der gleichzeitig a Handwagl is, transportiern. Unsa Tonanlag kimmt in am großn Koffa auf unsan "hinterher". Des is a andana sehr guata Radlanhänga, der se mit oan Handgriff in a Handwagl umfunktioniern lasst. Meine Freind und i san im Rucksack. So bin i scho U-Bahn gfahrn, Bus und Bahn und natürle Radl. Segn kenna ma da unterwegs allerdings nix, weil da Rucksack koa Fensta hat. Schad! Dafia habn ma aba scho Wirtsheiser und Biergärtn gsegn, Büchereien und Kindagärtn, a Bauernhofmuseum und Pfarrheime.

Transport Kasperltheater Bus Transport Kasperltheater Fahrradanhänger Transport Tonkoffer Fahrradanhänger Transport Tonkoffer Fahrradanhänger Bilder zum Vergrößern anklicken

Für unsane Auftritte im Freilichtmuseum Markus Wasmeier am Schliersee habn ma a eigns Spuikastl, des da im Beham-Hof sein Platz hat. Manchmoi steht's a im Kindastadl oda auf da Tenna. Und so schaugt des andane Spuikastl aus.

Kasperltheater im Wasmeier Museum